LEGAZPI CITY- Aminado si Coach Karen Dado Banua na pinag-antisiparan na ninda na makakasungkit nin medalya an swimming prodigy na si Riley Maddaleign Alindogan sa Palarong Pambansa 2026, alagad dae suboot pinaglaoman na limang gold medals an maibubulsa kaini.
Marurumduman kaya na hakot award an nasabing swimmer gikan sa Legazpi City sa nagpapadagos na sporting event.
Sa intrevista kan Bombo Radyo Legazpi ki Coach Banua, sinabi kaini na nagsairarom sa mahigot na training si Alindogan.
Binisto man kaini an dakulang papel kan suporta kan mga magurang ni Riley, na nakatabang suboot sa trayumpo kan nasabing Grade 6 student.
Napag-araman na mahigot an disiplina kaini sa pagkaon asin training.
Marurumduman na si Riley an nag-ambag na nin limang gold medals asin sarong silver medal sa swimming events para sa Bicol Region, sa nagpapadagos na Palarong Pambansa 2026.
