Pinahimutikan ni Commission on Elections (Comelec) Chairman George Erwin Garcia an posibilidad kan sarong “no-election” scenario sa 2028 na suboot magpapalawig sa sa termino ni Presidente Ferdinand Marcos Jr.
Ginibo ni Garcia an pahayag bilang kasimbagan ki Senadora Imee Marcos katakod kan posibilidad na dae pagsasagibo nin eleksyon sa 2028.
Segun sa Comelec chief, imposibleng mangyari ini huli ta malinaw sa Konstitusyon an pagsasagibo nin eleksyon.
Dugang pa kan opisyal na pinuunan na kan Comelec an preparasyon para sa presidential elections maski duwang taon pa antes ini isagibo.
Kaibanan sa mga pinag-aadalan kan ahensya an automation kan pirilian, liwat na pagbubukas kan voter registration, asin pagtukar kan mga rules asin guidelines sa pirilian.
