LEGAZPI CITY — Dae pa nagapundo an aktibidad kan bulkang Mayon na pigpapatunayan sana kan halangkaw na volume kan volcanic materials na ipiluluwas kaini.
Sa intrevista kan Bombo Radyo Legazpi kay Philippine Institute of Volcanology and Seismology (Phivolcs) Dir. Renato Solidum, tapos na suboot an phase na naoobserbahan an haros magkakasunod na eruption o pagputok kan bulkan sa pagultangan kan apat hanggang limang oras.
Sa ibong kaini, pigduon ni Solidum na pinagbabasehan kan ahensya ngunyan an kadaklan kan lava fountaining episodes asin bulos kan lava na nagtetenir na halangkaw.
Marurumduman na uminabot na sa 77 million cubic meters an kabilugan na volcanic materials na naipaluwas kan bulkan asin pinakadakol an naibulos na lava ngunyan na semana.
Mientras tanto, nagkondusir man nin aerial survey an ahensya ngani na mahiling an manlaen laen na deposito na gagamiton sa pag-develop kan digital elevation model para sa mas madaling topographic mapping kan pigbabantayan na bulkan.
