LEGAZPI CITY-Nanindugan an Department of National Defense (DND) na padagos kaining idedepensa an mga direchos asin integridad teritoryo kan Pilipinas sa West Philippine Sea mantang ini nagkomemorar kan ika-10 taon kan 2016 Arbitral Award.
Segun ki Defence Secretary Gilberto Teodoro Jr., importante an desisyon huli ta pigbibisto kaini an direchos kan nacion sa Exclusive Economic Zone (EEZ).
Tinawan doon niya na nagdadakula an kamalayan asin pagsuporta kan mga Pilipino para sa depensa kan West Philippine Sea.
Sinabi pa ni Teodoro na an DND asin an Armed Forces of the Philippines (AFP) padagos na mapakusog kan kakayahan sa depensa kan nacion mantang pigbabantayan an trayumpo sa seguridad.
Dugang pa kaini na magtetenir na komitido an Pilipinas sa pagtataguyod kan internasyunal na ley, partikular na an 1982 United Nations Convention on the Law of the Sea (UNCLOS), asin dae tutugutan na mawara an direchos kan nacion sa West Philippine Sea.
