Nagsunad na nin kasong kriminal ang mga awtoridad laban sa 15-anyos na estudyanteng imbuelto sa pambabadil sa San Jose National High School sa Tacloban City.
Tulong estudyante ang nagadan asin 15 iba pa an nairido sa insidente.
Sarong 14-anyos na estudyante man an nasa kustodiya na kan mga awtoridad katakod kan kaso.
Pareho sindang isinairom sa pangangataman kan City Social Welfare and Development Office mantang nagpapadagos an imbestigasyon.
Sa imbestigasyon, nagluluwas na saro sa mga pighihiling na anggulo sa insidente an posibleng bullying, alagad nilinaw kan Police Regional Office 8 na padagos pa an mas hararom na imbestigasyon.
Segun sa PRO 8, dae ninda pigsasantabi an iba pang posibleng motibo, asin padagos nindang pig-aadalan an gabos kan impormasyong saindang nahanap.
Nagluwas man sa imbestigasyon na posibleng mas dakol na putok ang pinakawalan kan mas joven na suspek.
Pig-imbestigaran man an sarong babaeng pulis na tiyahin kans saro sa mga suspek matapos suboot na magamit ang saiyang baril sa insidente.
Segun sa pulisya, naka-restrictive custody na ang opisyal asin tinanggal na man sa saiyang puwesto mantang padagos an administrative investigation.
Plano man kan mga awtoridad na ibale sa sa posibleng kakasuhan ang mga magurang kan mga suspek.
Sienerto man kan PRO 8 na duwang menor de edad sana an direktang sangkot sa pamamaril asin wara nang ibang estudyanteng kaiba sa pamamaril.
