LEGAZPI CITY — Sinierto kan National Food Authority (NFA) RegionalOffice V na paramientras sana an pagsupinde kan pagsu-supply kan bagas sa mga accredited outlets ngani na matugunan an mga pangangaipo kan mga evacuees na apektado kan pag-aalburuto kan Bulkang Mayon.
Sa intrevista kan Bombo Radyo Legazpi kay Lilibeth Jacob, Public Information Officer kan NFA Bicol, makalihis na pumutok an bulkan kan Enero 13, nakapag release na an ahensya nin 24, 426 bags nin bagas na isinupply sa mga evacuation centers.
Segun digdi, nakadugang pa sa factor kan kakulangan sa NFA stocks inventory an pagka delay kan inventory kan importation kan nakalihis na taon asin dae natugunan an 15 days buffer stocking.
Aminado man an opisyal na manipis na an saindang stocks alagad sinierto na pigigibo kan NFA an saindang makakaya ngani na matugunan an stocks inventory.
Dugang pa ni Jacob na dakula ang buffering na pighahagad kan Department of Social Welfare and Development (DSWD) na nag-request na nin 120,000 sako nin bagas para sa mga apektado kan Bulkang Mayon kaya pinundo muna an distribusyon sa mga retailers.
Mientrastanto, pigigibo man suboot kan ahensya an saindang makakaya ngani na maaprubaran an request nindang importation na naoctaba kan nakalihis na semana ngani na masuplayan an kakulangan sa mga merkado.
