LEGAZPI CITY – Nakaguno nin manlain-laing reaksyon hale sa mga Albayanong joven an manungod sa pagbutas ni Ako Bicol Partylist Representative Zaldy Co bilang mambabatas.
Segun sa estudyanteng si Gillian Listanco sa intrevista kan Bombo Radyo Legazpi na maski nagbutas na sa pwesto si Co an dapat mag-uli ini sa Pilipinas kun talagang wara ining kasalan.
Magigirumduman na ipigdadawit kaya si Rep. Co sa mahiwasang anomalya sa flood control projects kan gobierno kun sain may mga halangkaw na opisyal an nagsasabi na nakaresibi suboot ini nin mga kickback.
Pwedesir man suboot na piggagamit sana ni Co an saiyang pagbaba sa pwesto nganing makadulag sa saiyang paninimbagan huli ta pwedesir na dae na ini ibusol kan gobierno an pagdakop sa mga imbweltong indibidwal sa naunambitang anomalya.
Piglalaoman niya na magigin lakdang kan House of Representatives an ibusol an pag-papauli saiya huli ta bako bastante an resignation nganing maisalbar an sarong tawo sa mga akusasyon na ipiggagapo saiya.
Mawot man ni Listanco ngonian na ipahiling kan mga nasa posisyon sa publiko na dae sinda madara sa mga kwarta asin ini na ang oras na ipahiling an saindang kredibilidad asin seryosohon an serbisyo publiko.
