LEGAZPI CITY – Pigngalasan kan mga Barangay Official kan Barangay Kilicao, Daraga, Albay na nakalaag sa sumbong sa pangulo website na natapos na kan taong 2023 an sarong flood control project sa saindang lugar.
Ini an sinabi ni Punong Baranggay Arnel Baliduya sa intrevista kan Bombo Radyo Legazpi huli ta nahiling mismo ninda na dae pa ini tapos sagkod sa ngonian sa ibong kan igwa ining pondo na maabot na P72 Million sa irarom kan CBC Construction and Supply bilang contractor.
Dae niya man aram kun pira an inabot na mga pondo sa saindang lugar huli ta wara man saindang naka-abot na papeles nganing maaraman lamang kun pira na an nagastos sa mga naunambitang proyekto.
May mga parte na man suboot kan mga flood control an nakakatabang sa mga residentes alagad dae sinda nagpapakampante huli ta pwedesir magluya an pundasyon kaini asin magbagsak sa futuro na mataong huma sa mga residente.
Pigtaram pa kan opisyal na sa kabilugan igwa nin mga flood control an duwang purok kan saindang barangay mantang may mga nakatalaan na isagibo maski nakabugtak sa website na poon purok uno, dos, tres, asin sais an tapos na an mga proyekto.
Nagkaigwa man suboot nin courtesy sa saindang barangay mapadapit sa proyekto alagad kan natapos na an wara sindang aram kun sain nagpa-recieved kan mga papeles asin wara siyang pinirmahan na nagpapatunay na tapos na an proyekto.
Sa presente, ipigpasalamat niya man an magayon na pagkakagibo kan proyekto huli ta nagtatao na ini nin kaligtasan sa mga residente poon kan malubog sinda sa baha kan mangrapado an Bagyong Reming sa provincia.
Mawot ni Baliduya nin kasimbagan kun ngata dae pa tapos an ibang proyekto sa saindang barangay alagad completed na sa website asin dapat na gibuhon an dokumentadong proyekto huli ta magtatao ini nin kaligtasan sa saindang residente.
