Maabot sa P510 million na kantidad nin fuel subsidies an ipapanao kan Department of Agriculture para sa mga paraoma.
Segun kay Agriculture Secretary Francisco Tiu Laurel Jr., nasa 160,000 na mga paraoma sa Pilipinas na rehistrado sa Registry System for Basic Sectors of Agriculture an makakaresibe kan ayuda.
Alagad an mga naggagamit o nag-aarkila sana nin makinarya an kwalipikado na makaresibe kan fuel subsidy.
Nasa P3,000 an mareresibe kan kada paraoma na ipapaagi sa assistance cards na itinao kan Development Bank of the Philippines.
Ipinaluwas an nasabing subsidy makalihis na maglangkaw na sa $86.50 an presyo kan kada bariles nin produktong petrolyo na hali sa Saudi Arabia.
