LEGAZPI CITY-Posible nang makakua an mga tsuper asin operator kan Jeepney asin UV Express vans nin P10 kada litrong fuel subsidy sa 52 gasolinahan sa Metro Manila.
Sa irarom kan fuel subsidy program, posibleng makakuwa an kwalipikadong PUV operators nin P10 na diskwento kada litro kan Diesel o maximum na 150 litro kada semana, na katumbas nin P1,500 na subsidiya sa semana.
Kinakaipuhan sana magapsiring an mga tsuper asin operator kan Jeepney asin UV Express vans sa accredited na gasolinahan ngani makakuwa nin diskwento.
Dai man kaipuhan nin fuel subsidy card o hiwalay na aplikasyon, kundi dapat busisihon kan facility personnel an license plate kan mga behikulo kun kwalipikado an mga ini.
An mga gasolinahan na accredited sa fuel subsidy program, matutuparan sa A. Bonifacio Avenue, Commonwealth ave., Marcos Highway, Quezon ave., Espana Boulevard, Rizal ave. (Monumento-Carriedo), asin Zapote Road.
