LEGAZPI CITY- Pig-aantabayanan na kan nagkapirang transport group sa Bicol an rollout kan P12 kada litro na fuel subsidy.
Ini makalihis na ihayag kan Land Transportation Franchising and Regulatory Board (LTFRB) na mapuon na an nasabing subsidiya sa Agosto 15.
Segun ki Sorsogon Integrated Transport Federation President Ramon Dealca sa intrevista kan Bombo Radyo Legazpi na pighahalat na sana ninda kun anong mga gasoline stations an pwedesir na mag-avail kan nasabing fuel subsidy.
Sa presente kaya, wara pa suboot na malinaw na detalye hali sa ahensya.
Aminado man an nasabing opisyal na pwedesir na magin dakula an matipid kan mga drivers sa paagi kan nasabing diskwento alagad nakadepende man suboot ini sa sitwasyon kan kada public utility drivers.
Sa ibong kaini, sinabi ni Dealca na sa nakalihis na mga panahon, diit na mga gasoline stations sana an nag-implementar kan nasabing fuel discount kaya dapat na magkaigwa nin malinaw na patakaran an gobierno kun sain an designated na gasolinahan.
