LEGAZPI CITY- Kinuwestyon kan grupo nin mga paraoma an padagos na pagdakula kan agwat sa lokal na produksyon kan paroy sa local consumption kan nacion, sa ibong kan suboot dakulang pondo kan Department of Agriculture.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi, garing bako epektibo an mga programa kan nasabing ahensya ngani na matugunan an pangangaipo kan mga lokal na paraoma.
Sa ibong kaya suboot kan bilyon-bilyon na pondo, garing dae nag-uusad an numero kan produksyon sa nacion.
Huli digdi, ipigsuhestyon ni Montemayor na pakarahayon an mga programa kan Department of Agriculture sa pagtabang sa mga paraoma ngani na dae na padagos na maglaom sa importasyon ngani sanang matugunan an pangangaipo sa suplay kan nacion.
Pigduon pa kan opisyal na kun padagos na maglalaom sa importasyon, nagreresulta man ini sa pagkawara kan gana kan mga lokal na paraoma na magpadagos sa pagtatanom.
