Maabot sa P24 milyon na kantidad nin condo units sa Bonifacio Global City an naghahalat na papremyo para sa mga Pilipinong atleta na makakapag-uli nin gold medal sa Paris Olympics.
Donasyon ini kan sarong pribadong kompanya bilang pasasalamat sa mga atletang makakapagtao nin honra para sa nasyun.
Makukua an condo unit sa pamusong McKinley Hill kung sain nakaistar an nagkapirang mga national athletes kan nasyun.
Sa ngunyan, an Pinoy gymnast na si Carlos Yulo pa sana an may tyansa na makapag-uli nin gold medal sa finals kan vault asin floor exercise.
Buhay pa man an tyansa para sa medalya ninda Pole vault star EJ Obiena, Jarod Hatch kan swimming, John Cabang asin Lauren Hoffman para sa, golfers na sinda Bianca Pagdanganan asin Dottie Ardina asin iba pa.
