LEGAZPI CITY-Nasungkit ni Carlos Yulo an pinakaenot na bulawan na medalya kan Pilipinas sa ika-20 Asian Games pagkatapos na manggana sa men’s floor exercise final ngonian na Huwebes sa Nagoya City General Gymnasium, sa Japan.
Si Yulo nakapuntos nin 14.666 nganing makua an bulawan, mantang si Milad Karimi kan Kazakhstan an nagkua kan silver medal asin si Shoma Tsukiyama kan Japan an nakakua kan Bronze medal.
Mientrastanto, an saiyang tugang naman na si Karl Eldrew Yulo, nakakua nin 12.223 puntos asin nakatapos sa ikapitong pwesto sa saiyang debut sa Asian Games.
Ini an nagmarka kan pinakaenot na bulawan sa Asian Games kan Pilipinas sa artistic gymnastics asin saro pang mayor na kapangganahan para ki Yulo, kasunod kan saiyang duwang bulawan na medalya sa 2024 Paris Olympics.
Igwa pa nin oportunidad si Yulo na makadagdag sa saiyang medalya sa vault asin parallel bars finals sa Setyembre 25.
