LEGAZPI CITY-Nasungkit ni Binibining Pilipinas Katrina Anne Johnson “Miss Visit Japan” award sa 2026 Miss International pageant sa Japan.
Ipigheras kan international pageant an bareta sa saindang social media kan Biyernes, Nobyembre 13 kairiba an ladawan kan Filipino delegate sa pag-akseptar kan honra.
Si Johnson an mismong nagresibe kaini na isinagibo sa Professional University of Beauty and Wellness sa Yokohama, south of Tokyo, kun sain nagtetenir an iba pang mga delegado.
Pig-welcome man kan Miss International pageant an mga kandidata sa Japan kan Nobyembre 11, para sa 64th edition kan nabanggit na kompetisyon.
An global competion an nagmarka sa ika-66 na anibersaryo ngonian na taon, kaiba an nasa 75 delegado gikan sa manlaen-laen na nacion.
