LEGAZPI CITY-Naibulsa liwat ni Carlos Yulo an ikaduwang gintong medalya sa 2026 Asian Games makalihis na mangenot sa men’s vault final ngonian na Biyernes sa Japan.
Si Yulo, nakapagrekord nin average score na 14.599 mantang igwa siyang 14.733 score sa enot na vault sa laog nin 14.466 segundo.
Natapos man ni Mahdi Olfati kan Iran an average na 14.533, mantang si Ng Ka Ki kang Hong Kong an nakarekord nin 14.116.
Mantang an kaparehong pinoy na si Juancho Miguel Besana nasa ika-limang pwesto sa score na 13.783.
Si Yulo an nagin Olympic gold medalist asin world champion, an nakaguno nin enot na Asian Games gold kan Huwebes sa men’s floor exercise.
Sa huring tally, an Pilipinas igwang duwang gold medals, na parehong gikan kay Yulo, sarong silver medal asin apat na bronze medal sa nagpapadagos na kumpetisyon kan Asian Games.
