LEGAZPI CITY-Target kan two-time na kampeon sa Olympic na Filipino gymnast na si Carlos Yulo, nagmamawot na makua an saiyang pinakaenot na bulawan na medalya sa Asian Games na gigibuhon sa Aichi-Nagoya, Japan sa Setyembre.
Makikipagkumpetensya siya sa men’s artistic gymnastic competition kun sain makakasabay niya an saiyang tugang na si Eldrew Yulo asin mga kapwa Filipinong gymnast na si Justine Ace De Leon, Miguel Besana asin Zachary Cortins Nunez.
Sa ibong kan pagkaigwa nin 12 bulawan na medalya sa Asian Championship, si Yulo dai pa nakakua nin bulawan na medalya sa Asian Games.
Sa 2018 Asian Games, si Yulo an nangenot sa kwalipikasyon sa floor exercise alagad nakatapos sa ikapitong pwesto sa finals.
An Filipinong gymnast dai nakabali sa 2023 Asian Games sa Hangzhou, China pagkatapos na magpili na makipagkumpetensya sa World Championships sa Belgium.
Si Yulo ngonian an paborito na manggana sa mga kategorya sa Asian Games floor exercise asin vault category.
