LEGAZPI CITY-Dai mababa sa 20 katawo an nairido sa sarong pagsabog sa Ramim Ridge sa northern Israel kan Lunes, Oktubre 12, 2026.
Susog sa Magen David Adom (MDA), sarong non-profit na emergency medical service kan Israel, an pagsabog naireport harani sa linderos kan Lebanon.
An mga biktima, mga estudyante asin mga paratukdo sa sarong field trip sa Pe’er observation point, harani sa lugar kan pagsabog.
Duwang indibidwal an nasa kritikal na kamugtakan, mantang tulo an nagsapar nin minor injuries.
An natatadang 15 presenteng nasa estableng kondisyon, segun sa Israel medical service.
Sa ngonian, padagos an imbestigasyon asin pagdeterminar kan mga otoridad kun ano an nagin kawsa kan pagsabog.
