LEGAZPI CITY-Nag-aandam na an Albay Provincial Veterinary Office para sa posibleng matinding epekto kan Super El Niño sa mga ruminants sa provincia.
Segun ki Albay Provincial Veterinary Office Provincial Veterinarian Pancho Mella, na matindo an epekto kan tag-mara sa mga hayop o ruminants na grass eaters arog kan Karabaw, Baka, Tupa, asin Kabayo.
Basado sa imbentaryo kan provincia, susog sa datos kan Philippine Statistics Authority (PSA), na poon Hulyo 2026; nasa 92,000 an mga Karabaw; 6,000 naman an mga Baka; 42, 000 na mga Kambing; 87,030 Broiler; 867,555 na manok o layer; asin nasa 156,256 an mga native na hayop.
Sinabi kan opisyal na kapag tag-mara, mas mababa an suplay kan maiinom asin pagkakan kan mga ruminants na ini, na nakakaapektar sa saindang salud, magin sa kalidad kan gatas o karne huli sa sobrang stress sa init.
Kinakaipuhan man suboot an tamang pag-ataman sa mga ini asin magkaigwa nin bastanteng suplay nin tubig.
Pig-aabisuhan man niya an publiko na mag-imbak na nin tubig ngonian pa sana asin magsagibo na nin mga magkakanigong lakdang nganing maprotehiran an mga ruminants sa provincia
