LEGAZPI CITY-Nagkaigwa nin partisipasyon an mga Person’s Deprived Liberty (PDLs) sa isinagibong aktibidad na “Sa’od Coconut Expo Year 5” kan Department of Trade and Industry (DTI) sa Albay.
Segun ki Tabaco City District Jail, Jail Warden Freddie Caballero II, sa intrevista kan Bombo Radyo Legazpi, na nagkaigwa sinda nin kontrata sa ahensya asin nagsairarom sa proseso ngani matawan nin livelihood an mga PDLs sa Tabaco City Jail.
Kabale sa saindang livelihood programs kun sain igwang metal asin wood work, arts and crafts, bake shop, coffee shop asin iba pa kun sain mismong an mga PDLs an nagsasagibo kan mga stalls.
Enot suboot ining partipasyon kan mga PDLs sa irarom kan koordinasyon kan Cooperative Development Authority asin Tabaco City Jail.
Saro man ining programa kan Bureau of Jail Management and Penology (BJMP) Region 5, na magkaigwa nin livelihoof an mga miyembro kan PDLs sa bilog na rehiyon.
