Naka eksperyensya nin aberya an rinibong users kan Microsoft ngunyan na Biyernes, Nobyembre 13, makalihis mai-report an sarong mahewasan na outage kan serbisyo sa nagkapirang software.
Basado sa sarong third-party detector na Downdetector, enot na nairehistro an haros 130,000 users na naulang kan nasabing outage, partikular sa Microsoft Outlook, kasubagong maagahon, alagad buminaba man ini sa 50,000 bandang alas-5:30 nin aga.
Naka eksperyensya man nin system outage an nagkapira pang softwares kaini siring kan Microsoft Teams asin AI assistant kan Microsoft na Copilot.
Basado sa report kan kumpanya, pigtutukdong rason kan connectivity issues an “elevated load” sa mga imprastraktura na nakabase sa manlain lain na rehiyon.
Kaibanan sa mga apektado an nagkapirang users sa Timog-Silangang Asya siring kan nagkapirang IT professionals asin BPO employees sa nacion.
Sinierto man kan Microsoft na tulos sindang nag aksyon ngani na resolbaron an angat.
