LEGAZPI CITY—Tinuyaw kan grupong Bantay Bigas an pahayag kan PhilRice na mag-half-cup rice muna nganing malikayan an pagsasayang sa maluto.
Segun ki Bantay Bigas Spokesperson Cathy Estavillo, sa intrevista kan Bombo Radyo Legazpi, patunay ini na dae nareresolbaran an kagutuman kan mga Pilipino.
Dugang kaini na imbes na mangapudan an gobierno para sa half-cup rice serving an dapat na pakusogon an lokal na produksyon kaini asin ibasura an Republic Act 11203 o Rice Liberalization Law.
Pagdoon niya na an half-cup rice serving an bako realidad para sa mga tawong may magagabat na trabaho urog na an mga ordinaryong namamanwaan.
Punto pa ni Estavillo na rason ini kan gobierno huli sa dae ninda maresolbaran sa ibong kan mga piggigibong intervention, kun sain nagtitinir man giraray na triggering factor an prestyo kan bagas sa halangkaw na inflation sa nacion.
Nangapudan an opisyal na an pondo na para sa farm to market roads o mga ghost prioject an dapat itagama sa pagpapakusog kan lokal na produksyon.
Sa tahaw kan El Nino kaipuhan mang iprayporidad an pagpapatubig sa mga omahan siring man na kaipuhan na kan gobierno na kontrolon an presyokan mga pangenot na barakalon kan Pilipino.
