LEGAZPI CITY-Nadepensahan ni Philippine Pole Vaulter EJ Obiena an saiyang gold standard sa men’s pole vault competition sa 2026 Asian Games kan Martes na isinagibo sa Nagoya City Mizuho Park Athletic Stadium sa Japan.
An 30-anyos na Filipino star athlete an enot sa 12-man field na igwang 5.75m cleared asin matrayumpong naguno an gold medal sa 2023 Asian Games na isinagibo sa China.
Alagad dai nagtapos digdi an saiyang Aisan record breaking sa 6.00m.
Sa gabos na kalahok, na-cleared niya an 5.91m sa enot na attempt asin nag-set nin bagong rekord sa Asian Games asin nalagpasan an 5.90m na nairekord niya kan nakaaging edisyon.
Ini an ikatulong gold medal para sa Pilipinas sa Asiad, na sinundan nin duwang gold medal gikan ki Carlos Yulo sa floor exercise asin vault events kan men’s gymnastics.
Mientras tanto, nangengenot man liwat an China sa nagpapadagos na ASIAN games na igwang 142 gold medals, 62 silver asin 48 bronze medal; na pigsusundan kan Japan na igwang 44 gold medal, 70 silver asin 66 bronze medal.
Nasa ika-tulong pwesto man an South Korea na igwang 24 gold medals, 27 silver asin 44 bronze medals.
An Pilipinas man an nasa ika-16 na pwesto na igwang 3 gold medals, tulong silver medals asin 12 na bronze medals.
