Nagtipon an halos 10,000 na namamanwaan kan Japan sa hampang kan National Diet Building sa Tokyo kasubanggi, Okubtre 30, tangani iprotesta an plano kan administrasyon ni Prime Minister Sanae Takaichi na baguhon an nuclear policy asin pahiwason an kakayahang militar kan nacion.
Ini makalihis ihayag ni Defense Minister Shinjiro Koizumi na bukas an gobyerno sa gabos na opsyon manungod sa pagkakaigwa nin nuclear-powered submarines, asin sinabi ni Takaichi sa parliament na seryoso nindang ikokonsiderar an pagkua nin Self-Defense Forces kan naturang submarines.
Nagluwas man sa Japanese media na pwedesir rebisaron kan gobyerno an Three Non-Nuclear Principles mantang piga-update an tolong pangenot na dokumento sa seguridad kan nacion antes matapos an taon.
Susog sa mga nagpoprotesta, an padagos na pagpapakusog kan militar kan administrasyon ni Takaichi nagpapahalangkaw kan tensyon sa mga kataraid na nacion asin lagpas na sa mga kahagadan para sa pagdepensa sa sadiri.
Binatikos man kan nagkapirang nagpoprotesta an gobyerno na nakikipagdiskutiran na sa tahaw kan naglalangkaw na presyo kan mga barakalon asin kuryente mantang nagdadangadang an tiglipot, pig-eenot pa suboot kaini an pag-introdusir nin mga nuclear weapons asin an pag-amyenda sa konstitusyon tanganing togotan giraray na makipagdigma an nacion
