LEGAZPI CITY-Nasa rinibong domestic flights an opisyal na kinansela sa Taiwan asin Japan mantang nag-aandam an bilog na rehiyon kan sirangang Asya sa pagtama kan Bagyong Champi.
Huli sa huma kan makukusog na parus asin matitinding pag-uran, haros 125 na flights, mga biyahe sa barko, asin operasyon kan tren an pormal na sinuspinde sa Taiwan.
Mientras tanto, nag-anunsyo man an mga pangenot na airline sa Japan, arog kan Japan Airlines asin ANA nin pagkanselar sa labi 100 flights na nakaapektar sa humigit-kumulang 11,000 pasahero.
Nagpaluwas na man nin patanid an mga otoridad sa Taiwan asin pinag-iingat an publiko laban sa posibleng pagkaraot kan dam sa Wanli Creek asin posibleng huma nin pagbabaha sa Hualien province.
Piglalaoman na makakaapektar an bagyo sa bilog na Taiwan poon ngonian na Biyernes antes ini tuluyang magpasiring sa southern Japan sa maabot na Sabado.
