Pig-anunsyar kan Philippine Coast Guard na piglalaoman na maabot ngonian na aldaw an mga Remotely Operated Vehicles (ROVs) sa Taal Lake, parte kan Batangas.
Kun saen obheto ining gamiton kan mga awtoridad sa pagtabang sa nagpapadagos na ‘search and retrieval operations’ sa Taal Lake.
Maski piglalaoman an saindang pag-abot ngonian na aldaw na Lunes, pigduon ni Philippine Coast Guard District Southern Tagalog Commander Commodore Geronimo Tuvilla an padagos na paggamit kan saindang technical diving teams.
Nanindugan pa ini na mas maray pa man giraray na magkaigwa nin human expertise o interbensyon na mismong human diving, huli ta personal nindang namamatian an irarom kan tubig.
Ini an sa ibong kan katotoohan na nadipisilan an saindang grupo sa paghiling mantang nagdidive sa Taal Lake huli sa malaboy na tubig, na naging rason kan ‘zero visibility’ sa mga technical divers mantang nagdidive.
Mientrastanto, sa ibong kan piglalaoman na pag-abot kan mga ROV o Remotely Operated Vehicles, nanindugan an Philippine Coast Guard na igwa sinda nin supisyenteng numero kan mga technical divers.
Maski an mga kagamitan o gamit na kaipuhan sa pag-dive asin bastante na suboot an saindang kapot asin iyo an mga kasangkapan na kaipuhan nganing isagibo asin ipadagos an operasyon.
Katakod kaini, ipinahayag kan Department of Justice na pinag-aadalan pa ninda kun anong mga kagamitan an kakaipuhanon pa.
Kun saen mismo an Justice Spokesperson asin Assistant Secretary Mico Clavano nagsabi na nag-aayos pa sinda nin mga dugang na kagamitan na posibleng masubli sa Japan.
Ini huli ta pig-anunsyo ninda na makikoordinar sinda sa nasabing nasyon tanganing magin mas episyente asin mapadali an paghanap kan mga labi kan mga nawawarang sabungero na piglubong suboot sa Taal Lake.
Sa presente, nagpapadagos pa an search and retrieval operations na pinangenotan kan Department of Justice sa pakikipagtabangan kan Philippine Coast Guard asin kan Philippine National Police.
 are expected to arrive today at Taal Lake, part of Batangas.){kind=link}