Nagsunad nin reklamong obstruction of justice ang Philippine National Police-Criminal Investigation and Detection Group (PNP-CIDG) laban kay Senador Robin Padilla asin pira pang indibidwal katakod kan suboot pagtabang sa pagtakas ni Senador Ronald “Bato” Dela Rosa.
Kinumpirmar ni Prosecutor General Richard Fadullon na isinunad an reklamo sa Department of Justice (DOJ) bago mag-alas-5 nin hapon kan Huwebes.
Naenot nang inanusyar kan CIDG kan Miyerkules an plano kaining pagsunad nin kaso laban ki Padilla asin iba pang personalidad huli sa suboot pagtabang ki Dela Rosa nganing makalikay sa mga awtoridad.
Pinahimutikan ni Padilla an alegasyon. Segun sa senador, dae niya tinabangan si Dela Rosa na tumakas kundi pinalunad sana niya ini sa saiyang behikulo paluwas kan Senado kan madaling araw kan Mayo 14 makalihis suboot ining makasabay.
Mientrastanto, sinabi kan CIDG na may kaaraman an insidente kan pambabadil sa Senado asin an suboot pagtakas ni Dela Rosa.
Si Dela Rosa an nahahampang sa warrant of arrest katakod kan alegasyon kan pagiging indirect co-perpetrator sa kasong crimes against humanity na may kinaaraman sa serye nin mga paggadan puon Hulyo 3, 2016 hanggang Abril 2018, kun sain dae mababa sa 32 katawo an nagadan.
Magigiromdomanng pigporbar kan mga otoridad na isirbi an warrant laban kay Dela Rosa kan Mayo 11 na nagresulta sa habulan sa laog kan Senado. Kalaunan an ibinugtak siya sa protective custody kan Senado bago suboot nakaluwas kan edifio kan Mayo 14.
Sinugo man ni Justice Secretary Fredderick Vida ang mga law enforcement agency na tugisin asin arestaron si Dela Rosa, na inapod na “fugitive from justice.” Inengganyar man niya an senador na boluntaryong sumuko sa mga awtoridad.
