LEGAZPI CITY—Arestado an Rank 4 Regional Most Wanted Person kan Bicol Region sa Barangay Gabawan, Daraga, Albay.
Binisto an akusado na si alyas “Rey,” 31-anyos, asin residente kan nasabing banwaan.
Kinundusir an operasyon sa bisa kan warrant of arrest sa kasong qualified rape na warang pigrekomendang piyansa para sa paramientras na libertad.
Basado sa report, an operasyon ginibo kan pinagsarong pwersa kan Daraga Municipal Police Station, Albay Police Provincial Office Police Intelligence Unit, Albay Regional Intelligence Unit 5 Police Intelligence Team, Criminal Investigation and Detection Group Albay Provincial Field Unit.
Sa presente nasa kustodiya na ini kan kapulisan para sa magkakanigong disposisyon.
