LEGAZPI CITY-Makusog an pagtubod kan Criminal Investigation and Detection Group (CIDG) na yaon pa sa Pilipinas si Senador Ronald Dela Rosa.
Segun kay CIDG director na si Maj. Gen. Robert Alexander Morico II, basado ini sa saindang natipon na impormasyon alagad dae na nagtao nin dugang pang detalye.
Pigsierto kan opisyal na i-implementar ninda an serbisyo kan mandamiento de aresto.
Magigirumduman na igwa nin mandamiento de aresto an Senador gikan sa International Criminal Court (ICC) huli sa pagkaimbwelto kaini sa war on drugs kan panahon ni dating Presidente Rodrigo Duterte.
Sa iba pang pahayag sinabi kan dating PNP chief asin ngonian MMDA General Manager na si Nicolas Torre III, na preparado siyang magtabang sa posibleng operasyon kontra ki Senador Ronald “Bato” dela Rosa, na ngonian pigkokonsiderar nang fugitive kan Department of Justice (DOJ).
Sa sarong press conference ngonian na aldaw nin Martes, sinabi ni Torre na huli ta parte pa siya kan gobyerno, pwedisir sindang mag-uyon sa anuman na manhunt operation kun kinakaipuhan.
Alagad bibiro niya na maaasahan sinda orog na kun mahiling mismo an Senador sa sakop ninda sa kalsada bilang sarong ahensya.
Saiyang sinabi na kun igwa nin pagboot hale ki President Ferdinand Marcos Jr. wara suboot sindang magigibo kundi magsunod.
