LEGAZPI CITY-Pinagiingat an mga residente sa palibot kan Bulkan Bulusan sa huli sa posibilidad kan phreatic eruption mantang nasa alert level 0, basado sa pagtataya kan Phivolcs.
Segun kay Sorsogon Provincial Disaster Risk Reduction and Management Office Head Engr. Raden Dimaano, sa intrevista kan Bombo Radyo Legazpi na marhay ining bareta na ibinababa na hale sa alert level 1 to alert level 0 an Bulkang Bulusan.
Alagad, dai suboot pighahale an posibilidad na pumutok an Bulkan anumang oras kun kaya mas marhay na magin vigilant an publiko.
Dagdag pa niya na ibinaba an lebel asin criteria kan Phivolcs huli sa scientific base asin factors kan monitoring kan ahensya.
Dai man dapat suboot magpakampante huli sa posibleng mahilingan liwat nin phreatic eruption an Bulkan kapareho kan Abril kan nakalihis na taon mantang nasa alert level 0 ini.
Pigaabisuhan man an publiko na magin handa sa mga posibilidad asin pinagbabawal man liwat an paglaog sa 4km radius permanent danger zone kan Bulkang Bulusan.
