LEGAZPI CITY – Padagos an koordinasyon kan mga kapulisan sa banwaan kan Bulusan sa provincia kan Sorsogon sa mga magkakanigong ahensya mapadapit sa mga nanonotarang aktibidad kan Bulkang Bulusan.
Ini an makalihis na madiskubre kan Philippine Institute of Volcanology and Seismology (Phivolcs) na may mga bagong aktibidad sindang nairehistro sa nasambitang bulkan.
Segun ki Bulusan Municipal Police Station Chief of Police Police Captain James Genita sa intrevista kan Bombo Radyo Legazpi na warang patod an saindang pagkoordinar sa saindang Municipal Disaster Risk Reduction and Management Office asin an information dissemination sa saindang mga residentes.
Preparado man suboot sindang magtabang na mag-ebakwar sa mga pamilyang enkasong maglala liwat an sitwasyon kan Bulkang Bulusan nganing darahon sa mga evacuation centers asin sa Municipal Social Welfare and Development Office para man sa paghahatod nin mga relief foodpacks.
Afuera suboot sa MDRRMO an preparado man sindang makipagtabangan sa Buerau of Fire Protection, Philippine Coast Guard asin iba pang ahensya enkaso mangyari an pigkokonsidera nindang worst case scenarios kan naunambitang bulkan.
Pigdugang pa niya na sa mga panahon kan emerhensya an dae man sinda pigpapabayaan kan saindang lokal na gobierno urog na sa pagsasagibo nin pag-ebakwar asin mamantenir man liwat an pazy orden.
Pagirumdom ni Genita sa saindang mga residentes partikulamente na an mga naka-istar sa 4km radius permanent danger zone na dae magduwang isip na mag-ebakwar enkaso maglala an sitwasyon kan Bulkang Bulusan.
