Nag-apela an grupong Philippine Society for Developmental and Behavioral Pediatrics sa mga magurang asin mga guardian na mahigot na bantayan ang mga minor na aki sa anumang lalaogon na online activities.
Tinukoy kan grupo an inirekomenda kan Philippine Pediatric Society (PPS) na dae dapat magkaigwa nin ‘unsupervised access’ sa social media ang mga aking edad 16 anyos.
Pagdoon kan mga ini, kaipuhang protehiran an mga joven hale sa peligrosong online content na pwedesir makaapektar o maka-impluwensiya sa saindang aksyon o mga hiro.
Kabale digdi an mga content na dae akma sa saindang edad, peligrosong orolay, mga patanid, video nin kadahasan, asin iba pang mga huma na nagluluwas sa digital space.
Susog sa grupo na kompwesto nin mga pediatricians asin mga eksperto, labis na bulnerable ang mga joven na igwa na dati nang nahilingan nin ‘developmental, behavioral, at mental health needs’ sa exposure ninda sa digital space.
Dae ninda nare-regulate ang nagluluwas sa sa online, asin an saindang exposure o pagkakalantad sa mga peligroso na content an posibleng maka-impluwensiya sainda.
Nanindugan an grupo na kaipuhanma-regulate ang access kan mga joven sa digital space, urog na kun dae makayang i-regulate kan gobierno an mga nagluluwas na content sa online.
