LEGAZPI CITY – Naka-alerto na an an Municipal Disaster Risk Reduction and Management Office (MDRRMO ) Virac Catanduanes huli sa mga warang patod na pag-uuran sa provincia.
Segun ki MDRRMO Virac operation Chief Mark Matira sa intrevista kan Bombo Radyo Legazpi activated ngonian asin mahigpit an monitoring kan gabos na mga mdrrmo huli sa warang patod na pag-uuran sa nasabing provincia.
Maski nakaka-eksperyensya suboot sinda ngonian nin magayon na panahon an nakaantabay pa man liwat sinda asin nakabandera an saindang alert status.
Nakalatag man an saindang mga contingency plan asin nakahanda an saindang mga personahes sa emergency response team.
Pigtaram pa kan opisyal na natawan na man ninda nin alerto an 63 na barangay kan saindang munisipalidad huli sa posibnleng huma kan pagbaha partikular na an mga naka-istar hararani sa kadagatan asin salog.
Sa ibong kan huma kan Low Pressure Area, dae pa man pigbabawalan kan mga otoridad an paglalayag kan mga saradit na behikulong pandagat.
Paglilinaw niya na nakatutok sinda sa kamugtakan kan panahon 24/7 nganing marikas na makaresponde enkaso mamatean sa saindang lugar an epekto kan habagat asin an pigbabantayan na LPA.
Padagos an pagirumdom ninda Matira na mag-antabay sa mga abiso kan mga otoridad asin doblehon an pag-iingat nganing makarayo sa peligro.
 Virac Catanduanes is on alert due to heavy rains in the province){kind=link}