LEGAZPI CITY- Ipinagpapasalamat kan pamayuhan kan Mandaon Fire Station sa provincia kan Masbate na warang nairehistro na anuman na insidente nin kasulo sa banwaan sa bilog na durasyon kan Fire Prevention Month.
Segun ki Mandaon Fire Station Officer-in-Charge Senior Fire Officer 1 Alvin Dela Peña sa intrevista kan Bombo Radyo Legazpi na sa kaparehong bulan kan nakalihis na taon, igwang mga nairehistrong grass fire kaya dakulang development na nagin matrangkilo an banwaan.
Pighihiling na resulta ini kan pinakusog na pagtataong impormasyon sa publiko dapit sa tabang pag-ibitar sa kasulo.
Napag-araman na padagos man an pagkokondusir kan ahensya nin fire safety inspection sa mga establishimento sa banwaan.
Alagad tinawan duon ni Dela Peña na an pag-ibitar sa kasulo an sarong collaborative effort kan komunidad asin bako sana ini tuyong bulan nin Marso pigigibo kundi sa urualdaw.
Paliwanag kan opisyal na an huma kan kasulo an dae nawawara kaya dapat na magin maaram an mga namamanwaan.
