Papaigtingon pa kan low pressure area an habagat na magdadara nin uran sa dakulang parte kan satuyang nacion.
Huring nanotaran an LPA sa rayong 115 km hilaga kan Virac, Catanduanes o 285 km sirangan kan Infanta, Quezon.
Sa presente an mantinidong hababa an tyansa kan weather disturbance formation na magin sarong tropical cyclone sa laog kan masunod na 24 oras, alagad dae pa man poghahale an posibilidad na magin sarong tropical depression ini sa mga maabot na aldaw.
Kabale sa mga apektado kan pag-ulan an Bicol Region, Central Visayas, Eastern Visayas, Aurora asin Quezon.
Mantang may magigin mapanganuron man na may mga biglaang buhos kan uran huli sa habagat an Metro Manila, MIMAROPA, natatadang parte kan Visayas, Central Luzon, CALABARZON, Zamboanga Peninsula, Northern Mindanao, asin Caraga.
Huli sa katamtaman hasta sa makusog na pag-uran, nagpatanid an mga eksperto sa posibleng flash floods asin landslides sa mga apektadong lugar.
