LEGAZPI CITY-Ipinaluwas kan Sandiganbayan Fifth Division an ikaduwang warrant of arrest laban kay Senator Jinggoy Estrada sa kasong plunder asin graft na warang pigrerekomendang piyansa.
Marurumduaman na nagpiyansa an Senator nin P90,000 para sa sarong hiwalay na kaso kan graft sa Second Division kan korte.
An mga kasong ini, may kinaaraman sa suboot pagkaka-imbuelto ni Estrada sa flood control kickback scheme.
Afuera ki Estrada, pinapaarestra na man si dating hepe kan Department of Works and Highways (DPWH) na si Manuel Bonoan asin mga dating DPWH engineering officials gikan sa National Capital Region na iyo sinda, assistant district engineer Denryl Caesar Cortuna asin district engineers na si Manny Bulusan asin Arturo Gonzales, Jr.
