LEGAZPI CITY-Inaprubahan na kan Sandiganbayan an hirit na hospital arrest ni dating Department of Public Works and Highways (DPWH) Secretary Manuel Bonoan.
Sa ipinaluwas na resolution kan Sandiganbayan Fifth Division, tugot ini na magtenir sa Philippine National Police (PNP ) General Hospital sa Camp Crame si Bonoan asin bako sa The Medical City.
Nakalaag man sa mosyon kan abogado kan dating kalihim na huli edad kaini asin pigmamati na helang, importanteng sa hospital na ini magtenir.
Matenir si Bonoan sa PNP General Hospital mantang nakabinbin pa an saiyang kaso.
Marurumduman na isinugod sa ospital an dating kalihim makalihis magluwas warrant of arrest niya huli sa kasong plunder na ipinaluwas kan Sandiganbayan.
Kabale an dating kalihim na nahahampang sa kasong graft asin plunder siring man si Senator Jinggoy Estrada asin iba pa huli sa suboot pagkakaimbuelto sa anomalya sa flood control project.
