Binanatan ni Senate President Pro Tempore Ping Lacson si Senadora Imee Marcos, asin sinabi niyang dae nakaka-Pilipino an mga akusasyon na iginapo niya sa saiyang tugang na si Presidente Ferdinand Marcos Jr., sa sarong dakulang pagtitipon na guminamit ini nin illegal na droga.
Sa ikaduwang aldaw kan Iglesia ni Cristo (INC) anti-corruption rally sa Quirino Grandstand kasubanggi, inakusaran ni Senador Imee si Presidente Marcos asin an saiyang agom na si First Lady Liza Araneta Marcos na naggagamit suboot nin illegal na droga.
Sinabi ni Lacson na nawaran siya nin interes ki Sen.Imee makalihis na ilaglag asin rautan an saiyang tugang sa hampang kan rinibong katawo.
An siring suboot kaining klase nin dae pagkakasinabotan kan magtugang an dapat pigpapakarhay sa harong, kun kaya bako katanggap-tanggap bilang sarong Pilipino an ginibo niyang panraraot sa presidente.
Mientrastanto, kan hapoton kun ano an posibleng motibo sa ginibo ni Sen.Marcos, sinabi ni Lacson na wara nang ibang motibo kundi pulitika.
