Inilipat na kan Biyernes an dating TV host na si Jay Sonza gikan sa kustodiya ng National Bureau of Investigation (NBI) sa Pasay City pasiring sa pasilidad kaini sa New Bilibid Prison.
Segun ki Atty. Mark Tolentino, maayos ang kamugtakan ni Sonza asin padagos nindang pigtututukan an mga legal na lakdang nganing maprotehiran an saiyang mga direchos.
Magigiromdomang inarestar si Sonza kan Huwebes sa Quezon City basado sa warrant na iniluwas kan Pasay Regional Trial Court Branch 118.
Pigkakahampang niya an kasong pagbalgar sa Article 154 ng Revised Penal Code, na tumutukoy sa unlawful use of means of publication asin unlawful utterances ng Cybercrime Prevention Act of 2012.
May kinaaraman ini sa suboot pagpo-post ng fake news kan dating mamahayag mapadapit sa salud ni Presidente Ferdinand Marcos Jr.
Sa oras kan saiyang pag-aresto, sinabi ni Sonza na preparado siyang magsairarom sa due process.
Naenot nang inihayag kan saiyang abogado na kukwestiyunon ninda an pag-isyu nin non-bailable warrant laban saiya, na suboot “highly irregular” para sa sarong kasong may kinaaraman sa unlawful publication.
Afuera digdi, nahahampang man si Sonza sa hiwalay na kasong cyberlibel sa Pasay RTC Branch 111.
Inomaw kan Presidential Communications Office (PCO0 an marikas na aksyon kan National Bureau of Investigation (NBI) sa pagsusunad nin kaso asin pag-arestar sa dating broadcaster.
