LEGAZPI CITY-Sinabi ni House Justice Committee Chairperson Gerville Luistro na importante suboot na mahiling muna an ebidensya kan kampo kan depensa ni Vice President Sara Duterte bago makapagtao nin hatol o konklusyon sa isyu kan impeachment.
Segun kay Luistro, sa saindang padangog sa komitem dai suboot naghampang an depensa asin wara pang nai-presenta na ebidensya, kaya an mga ebidensyang inilatag asin binusisi, para sana sa pagdedetermina kun igwang “probable cause” o basehan an impeachment case.
Tinawan doon pa niya na sa aktwal na paglilitis, importante na mabusisi an kusog kan ebidensya kan depensa ngani matimbang nin maayos an kaso bago magdesisyon para sa posibleng conviction.
Ipinaliwanag man niya na kun makakakusa nin dai mababa sa one-third kan boto hale sa mga kongresista, tulos na maipapasar an articles of impeachment sa Senado para sa paglilitis, alagad kun mabigo ini na makuwa, otomatikong madi-dismiss an impeachment complaint laban kay Vice President Sara Duterte.
Mientrastanto, nakatalaan na i-sponsor ni House Justice Committee chairperson Gerville Luistro an Articles of Impeachment laban ki Bise Presidente Sara Duterte sa plenaryo kan Kamara sa Lunes, Mayo 11.
Sigon ki Luistro, ipipresentar niya an findings kan Justice Committee kabali na an iprinesentar na evidencia kontra sa bise presidente na suboot dae pa nasisimbagan.
Kabali sa mga akusasyon an salang paggamit nin confidential funds, dai maipaliwanag na yaman, panunuhol, asin suboot plano na gadanon si Presidente Ferdinand Marcos Jr., First Lady Liza Marcos, asin si dating House Speaker na si Martin Romualdez.
Kaipuhan man an 106 na boto ngani maipadara an Articles of Impeachment sa Senado.
Mientrastanto, sinabi ni Senado President Vicente “Tito” Sotto III na tulos na ma-convene an Senado bilang impeachment court oras na maresibe na an reklamo hale sa Kamara.
