Nangapudan si Presidente Ferdinand Marcos Jr. sa mga lider kan Southeast Asian nations na parikason an regional cooperation sa isyu kan energy asin food security sa tahaw kan pangkinaban na mga kariribukan asin paglangkaw kan presyo kan langis.
Ginibo kan presidente an pahayag sa ika-48th ASEAN Summit sa Cebu kun sain nagkasundo an mga nacion na miyembro kan ASEAN na pakusugon an kakayanan kan rehiyon kontra sa epekto kan tensyon sa Middle East asin global economic instability.
Kaibanan suboot sa mayor na pinagtutuunan kan ASEAN leaders an energy security, food security, asin protehiran an mga namamanwaan kaini na nasa ibang nacion.
Natukar man an pagpaparikas kan implementasyon kan ASEAN Power Grid, sarong regional project na magkokonektar sa power networks kan mga member nations ngani na mapakusog an access sa mas abot-kayang kuryente para sa haros 700 milyong namamanwaan sa rehiyon.
Ipigbubusol man ni Presidente Marcos an ratipikasyon kan ASEAN Framework Agreement on Petroleum Security (APSA) ngani na matabangan an mga nacion na miyembro kaini, sa panahon kan kakulangan nin suplay nin langis.
Napag-olayan man an pagpaphewas kan renewable energy projects siring kan hydropower, solar, wind, asin maging nuclear energy, sa tabang kan Asian Development Bank.
