LEGAZPI CITY- Aminado an Office of the Civil Defense Bicol na warang instrumento na makakapag determinar kun sain asin anong oras matama an sarong makusog na pagyugo kaya importante an mapaghandaan ini.
Ini an rason kaya nagkakaigwa nin mga earthquake drill ngani na maaraman kun ano an kahandaan kan publiko sa siring na sakuna.
Segun ki OCD Bicol Director Bernardo Fortez Jr. na importante an individual response asin marikas na pag-aksyon ngani na mapreventaran o maibitaran an casualty sa nasabing kalamidad.
Katakod kaini, nakisumaro an mga ahensya kan gobierno sa ikinasang earthquake drill sa ciudad kan Legazpi bilang pakikisumaro sa 2nd quarter nationwide simultaneous earthquake drill ngunyan na aldaw.
Kaibanan sa mga Scenario-Based Drill na ginibo an paglalapat nin first aid, pagrespunde sa kasulo, preparasyon sa posibleng tsunami sa pahanon kan pagtama kan makusog na linog asin iba pa.
