LEGAZPI CITY-Nakahanda na imbestigaran kan gobierno an suboot panggagadan na may kinaaraman sa paglaban kontra iligal na droga sa irarom kan administrasyon ni President Ferdinand “Bongbong” Marcos Jr..
Segun kay Palace Press Officer Undersecretary Claire Castro na nagin seryoso an Presidente na dae magigin madugo an saiyang kampanya sa iligal na droga.
Enkaso magkaigwa nin anumang ebidensiya na nagpapahiling na igwang insidente nin panggagadan, an suboot iimbestigaran an mga ini.
Marurumduman na sinabi ni Atty. Nicholas Kaufman, an legal counsel ni dating Presidente Rodrigo Duterte na dapat imbestigaran man si Marcos huli sa suboot mga nangyayaring pangagadan sa kampanya kaini kontra sa iligal na droga.
