Sinierto kan legal team ni dating Presidente Rodrigo Duterte na kayang patunayan sa paglilitis kan International Criminal Court (ICC) na saro suboot na gibo-gibo sana an mga alegasyon na may direktiba an gobierno na gadanon an mga suspek sa irarom kan war on drugs.
Segun ki defense counsel Nicholas Kaufman, nakasalalay sana an kaso kan prosekusyon sa mga testigo na suboot warang kredibilidad.
Binuweltahan man niya an desisyon kan ICC Pre-Trial Chamber I na nagkumpirmar kan mga kasong crimes against humanity na kumpwesto kan murder asin attempted murder kontra sa dating presidente.
Paliwanag ni Kaufman na dae pa napapag-adalan sa confirmation hearings an pagiging kapani-paniwala kan mga testigo kan prosekusyon.
Binatikos man kan depensa an posibleng pabuya sa mga testigo karibay kan saindang mga testimonya, kaibanan an pagigin salbado sa anuman na kaso asin pagtatao nin bagong pagkakakilanlan gamit an pondo kan international community.
Nanindugan an abogado na warang gabat an ebidensyang padagos na ipigsusunad kan mga kritiko ni Duterte.
