LEGAZPI CITY—Nagtutubod an sarong abogado na sarong legal strategy an pagbutas nin Atty. Nicholas Kaufman bilang counsel ni dating Presidente Rodrigo Duterte sa pigkakahampang kaining kaso sa International Criminal Court.
Segun ki Influencer Lawyer Atty. Carlo Ybanez, sa intrevista kan Bombo Radyo Legazpi, na nagbutas si Atty. Kaufman huli sa habo suboot kan lado kan dating presidente na magpadagos an saiyang proceedings.
Paliwanag niya na kun warang abogado an dae madadagos an proceedings huli sa an sarong akusado an may direchos sa counsel of choice, kaya made-delay ini hasta sa dae pa nakakapili nin abugado.
Segun saiya na kaya mas pigmamawot kan nasabing lado na dae maidagos an proceedings huli sa kun madagos ini an may dakulang tsansa na pwedesir magin guilty sa kaso an dating presidente.
Ipigdoon man ni Ybanez na pwedesir man na maaepektaran an kredibilidad ni Atty. Kaufman huli kan saiyang pagbubutas bilang counsel ni Duterte.
