LEGAZPI CITY-Isasangat kan legal team ni dating Presidente Rodrigo Duterte an apela laban sa desisyon kan International Criminal Court (ICC) Pre-Trial Chamber makalihis na kumpirmahon an mga kaso laban kay dating presidente katakod kan saiyang ”war on drugs” campaign.
Segun kay Atty. Nicholas Kaufman, kahagadan ninda an pagtugot na magsangat nin apela sa desisyon na inapod niyang “most bizarre”.
Sinabi pa niya na gari nagkakampu an pre-trial chamber sa prosekusyon asin dai pigkokonsidera an direchos ni Duterte sa sarong patas na paglilitis.
Kinuwestyon man kan kampo kan depensa an suboot kakulangan kan detalye sa mga paratang asin bako an pagbanggit kan ebidensya sa desisyon.
Mientras tanto, sinabi dating Chief Presidential Legal Counsel Atty. Salvador Panelo na sa saiyang opinyon, “pre-judged” na an kaso asin iginiit an alegasyon kan suboot sabwatan sa pagultanan kan ICC asin kan presenteng administrasyon.
Pignegaran man kan Malacañang an mga paratang asin nanindugan na naisangat an mga kaso kan 2017 pa, bago pa an pagpoon kan administrasyon ni President Ferdinand Marcos Jr..
Dagdag pa kan Palasyo, na kun warang nangyayaring panggagadan, dai man suboot maabot an kaso sa ICC, asin wara suboot na koneksyon an Presidente sa implementasyon kan gera kontra droga.
