Inihayag kan Malacañang na dapat sabihon ni dating Ako-Bicol Representative Zaldy Co an totoo manungod sa isyu kan maanomalyang flood control projects, kasunod kan saiyang pagkakadakop sa Prague, Czech Republic.
Segun ki Palace Press Officer Undersecretary Claire Castro, an mas importanteng hapot ngonian iyo an kun handa si Co na ihayag an saiyang naaaraman, imbes na an saiyang mga naenot na alegasyon kontra ki Presidente Ferdinand “Bongbong” Marcos Jr.
Dugang pa ni Castro na bukas an Presidente sa anuman na impormasyon na posibleng makatabang sa imbestigasyon asin pagbisto kan mga dapat na panimbagon.
Pigduon man kaini na warang pigpapanigan an administrasyon asin dae naghuhusga kun sisay an may sala o dae, alagad kaipuhan na mag-agi sa due process an gabos na imbwelto.
Sinabi man kan Malacañang na an pagdakop ki Co an sarong positibong lakdang sa kampanya kan gobyerno laban sa kurapsyon.
Katakod kaini, pigsierto kan gobyerno na padagos an koordinasyon sa Czech authorities nganing maibalik si Co sa Pilipinas asin hampangon an mga kaso na saiyang pigkakahampang.
