LEGAZPI CITY – Nagtetenir na matuninong an nagpapadagos na Gayon Ciudad Festival 2024 sa Sorsogon City.
Sa intrevista kan Bombo Radyo Legazpi ki Sorsogon City SK3 head Arnel Anchinges, ipinagpapasalamat na wara man nin mga nairehistrong anumang mga dae pinaglalaomang insidente sa tahaw kan nasabing selebrasyon.
Magkakaigwa sana nin nagkapirang pagsarado kan ibang mga tinampo katakod man kan isasagibong mga aktibidad.
Alagad sa ibong kaini namamanehar man giraray an bulos kan trapiko sa ciudad.
Katakod kaini, kadakol man na naka-deploy na mga otoridad ngani na masierto an seguridad kan mga residente asin kan mga nagbibisita sa lugar.
Piglalaoman na kadakol pang nakalinyadang aktibidad sa selebrasyon kan Gayon Ciudad Festival 2024 na magtatapos sa Hunyo 30, 2024.
Mientras tanto, nagpatanid man an opisyal sa publiko na antes na maghali nin harong siertuhong nakatangkas an gabos na mga nakasaksak na mga appliances ngani na maibitaran an kasulo asin isarado man nin maray an harong ngani na dae mahabasan.
