Sinierto ni Ombudsman Jesus Crispin ‘Boying’ Remulla na padagos an imbestigasyon sa maanomalyang flood control projects sa ibong kan mga nangyayari sa Senado.
Pinag-aadalan suboot an naresibe na partial blue ribbon committee report kan Senado dapit sa kontrobersyal na mga proyekto.
Pighahanda na man an mga ‘draft complaints’ asin presenteng nagpapadagos an imbestigasyon sa nasa 35 hasta 45 mga kaso.
Dugang pa kan Ombudsman na pig-iimbestigadan man kan tanod-bayan an mga miyembro kan ‘small committee’ kan Kamara asi Senado na responsable sa pagsasapinal kan national budget na isinumiter sa presidente.
Kaibanan digdi sinda dating Marikina 2nd District Rep. Stella Quimbo, dating Zamboanga City Rep. Mannix Dalipe asin House Minority Leader Marcelino Libanan.
Si Quimbo an naging chairperson kan House Appropriations Committee makalihis magdemitir ni former Ako Bicol Party-list Rep. Zaldy Co asin miyembro kan pig-aapod na ‘small committee’ kung sain naisyu kan insertions sa national budget kan 2025.
