LEGAZPI CITY-Posibleng maghampang si Senador Ronald “Bato” dela Rosa sa Senado kasabay kan nakatalaan na pag-convene kan Senado bilang impeachment court ngonian na alas-3:00 nin hapon, Mayo 18, bilang parte kan proseso para sa Articles of Impeachment ni Vice President Sara Duterte,
Segun sa saiyang abogado na si Atty. Israelito Torreon, nasa desisyon man liwat ini kan Senador.
Tinawan doon ni Atty. Torreon na kaipuhan muna nin pagpapatibay poon sa lokal na korte an International Criminal Court (ICC) warrant bago ini magin epektibo sa nacion.
Posible man na magatendir si dela Rosa huli ta wara pa man suboot nin arrest warrant na pigpapaluwas an lokal na korte sa Pilipinas.
Sinabi ni Atty. Torreon na igwang prejudice an seguridad kan senador, orog na diit pa ining maarestar asin madapa kan habulon kan mga ahente kan National Bureau of Investigation (NBI) para sa ICC warrant.
Sa presente, nakabinbin an orolay usapin sa Korte Suprema mapadapit sa pagpapaotob kan nasabing warrant laban sa Senador.
